Сайн дурын үйл ажиллагаа нь хүнд хүрч бусдын баяр талархлыг үргэлж хүртэж байдаг. Сайн дурынхан бид хийж буй ажилдаа өөрсдийн хүч бололцоо, мэдлэг оюун ухаанаа зориулахаас гадна хамгийн гол нь сайн дурын ажилд чин сэтгэлээсээ хандаж бүх зүйлээ зориулдгаараа бидний ажил онцгой юм.
Өдөр тутам шинэчлэгдэн хөгжиж байгаа нийгмийн хөгжлийн хурдтай хөл нийлүүлэн алхахад, залуу хүн бүрт өөрийгөө хөгжүүлэх хэрэгцээ шаардлага асар их байдаг бөгөөд залуу үеийнхээ ажил хөдөлмөрийн мэдлэг ур чадвар, дадлага туршлага хуримтлуулах их сургууль нь сайн дурын үйл ажиллагаа байдаг билээ.
Дэлхий дахин даяарчлалд хөтлөгдөн хүний амьдралд эдийн засгийн хөгжил хүчтэй нөлөөлөх болсон өнөө үед сайн дурынхны нийгэмд гүйцэтгэх үүрэг өсөн нэмэгдэж, сайн дурын үйл ажиллагаа нь нийгмийн хөгжилд ихээхэн хувь нэмэр оруулсаар байна.
Иймд залуу үеийнхэнд зориулан сайн дурын хөдөлгөөний тухай мэдээллийг түгээхийн хамт амьдралынхаа нэгээхэн мөчийг бусдын сайн сайхны төлөө зориулцгаая гэж уриалья.
Сайн дурынхны зохион байгуулсан үйл ажиллагаа мэдээллийг 
